சிவகாசி அருகே அரிவாளுடன் சுற்றிய நபர் கைது

விருதுநகர் மாவட்டம், சிவகாசி அருகே எம்.புதுப்பட்டி பஸ் ஸ்டாபில் சப் இன்ஸ்பெக்டர் மொய்தீன்அப்துல்காதர் மற்றும் போலீசார் ரோந்து பணியில் ஈடுபட்டு கொண்டிருந்தனர். அப்போது வாலிபர் ஒருவர் கையில் அரிவாளுடன் அப்பகுதியில் செல்லும் பொதுமக்களை மிரட்டி கொண்டு இருந்தார்.அப்போது போலீஸ் வருவதை பார்த்ததும் தப்பி ஓட முயன்றவரை போலீசார் மடக்கி பிடித்து கைது செய்தனர். பின்னர் அவரிடம் நடத்திய விசாரணையில் அந்த வாலிபர் புதுக்கோட்டையை சேர்ந்த முனியாண்டி மகன் மணிகண்டன் (20) என தெரியவந்தது. பின்னர் தொடர் விசாரணை நடத்தி வருகின்றனர் காவல் துறையினர்.