மாதேஸ்வரர் கோவில் யுகாதி பொங்கல் திருவிழா

திருப்பூர் மாவட்டம், காங்கேயம் காடையூர் அருகே அலப்பச்சாக்கவுண்டன் புதூர் கிராமத்தில் பிரசித்தி பெற்ற மாதேஸ்வரர் கோவில் உள்ளது. இங்கு ஆண்டுதோறும் பங்குனி மாதம் யுகாதி பொங்கல் திருவிழா மிக சிறப்பாக நடைபெறுவது வழக்கம். அந்த வகையில் இந்த வருடமும் வருகிற 9-ந் தேதி பண்டிகை சிறப்பாக நடைபெற உள்ளது.

திருவிழா மற்றும் அன்னதானத்திற்கான ஏற்பாடுகள் அனைத்தும் கோவில் தர்மகர்த்தா மற்றும் மாதேஸ்வரர் கோவில் அறக்கட்டளை தலைவர் குளம் ரா.குமரேசன் தலைமையில் நடைபெற்று வருகிறது. திருவிழா அன்று சிறப்பு பூஜைகள் மற்றும் அபிஷேகங்கள் நடைபெறுவதால் பக்தர்கள் அனைவரும் கலந்து கொண்டு அருள் பெற வேண்டும் என கோவில் நிர்வாகம் சார்பில் தெரிவிக்கப்பட்டுள்ளது.