திமுக வேட்பாளரை ஆதரித்து மேயர் வாக்கு சேகரிப்பு

தூத்துக்குடி சிவன் கோவில் தெரு, வடக்குரத வீதி, தெற்கு ரத வீதி மற்றும் அதனை சுற்றியுள்ள பகுதிகளில் உள்ள கடைகள் மற்றும் பொது மக்களிடம் திமுக ஆட்சியின் 3 ஆண்டு கால சாதனை மற்றும் மழை வெள்ளத்தில் மாநகர மக்களை மாநகராட்சி சார்பில் மற்றும் கனிமொழி எம்பி சார்பில் பாதிக்கப்பட்ட மக்களுக்கு உணவு உள்ளிட்ட உதவிகள் நேரடியாக சென்று வழங்கியது மற்றும் மாநகராட்சி சார்பில் தூத்துக்குடி மாநகரில் அமைக்கப்பட்டுள்ள பல்வேறு வளர்ச்சி திட்டங்களை கூறி வாக்குகளை சேகரித்தார்.

மீண்டும் கனிமொழியை வெற்றி வேட்பாளராக அதிக வாக்குகள் வித்தியாசத்தில் வெற்றி பெறச் செய்ய வேண்டுமென நடந்தே சென்று திமுக வேட்பாளர் கனிமொழிக்கு ஆதரவு திரட்டினார். திமுக பொதுக்குழு உறுப்பினர் கோட்டு ராஜா, கவுன்சிலர் சுரேஷ், கீதா முருகேசன், முன்னாள் மாமன்றஉறுப்பினர் ரவீந்திரன், போல் பேட்டை பகுதி பிரதிநிதி பிராபாகர் உள்ளிட்ட திமுக கட்சியினர் பலர் பிரச்சாரத்தில் ஈடுபட்டனர்.