திருச்சியில் மதிமுக வேட்பாளா் பிரசாரம்

திருச்சி மாநகா் மற்றும் ஸ்ரீரங்கம் சட்டப் பேரவை தொகுதிக்குள்பட்ட பகுதிகளில் மதிமுக வேட்பாளா் துரை வைகோ வாக்குகள் கேட்டு செவ்வாய்க்கிழமை பிரசாரம் மேற்கொண்டாா். திருச்சி ரெட்டைவாய்க்கால் பகுதியில் காலை 7 மணிக்கு தொடங்கி மாநகரப் பகுதியில் பல்வேறு இடங்களில் வாகனத்தில் நின்றபடியே வாக்குகள் சேகரித்து வலம் வந்தாா். அவருடன், திருச்சி மாநகராட்சி மேயா், மு.அன்பழகன், திமுக மத்திய மாவட்டச் செயலா் வைரமணி, ஸ்ரீரங்கம் எம்எல்ஏ எம். பழனியாண்டி, திமுக மத்திய மாவட்டப் பொருளாளா் துரைராஜ் உள்ளிட்டோரும் வீதி, வீதியாகச் சென்று வாக்குகள் சேகரித்தனா். இதேபோல, மாத்தூா், எரங்குடி, தும்பக்குறிச்சி, சேதுராப்பட்டி, அளுந்தூா், நாகமங்கலம் உள்ளிட்ட பகுதிகளிலும் அவா் வாக்கு சேகரித்தாா். இந்த நிகழ்வில், திமுக மற்றும் கூட்டணிக் கட்சியினருடன் மதிமுக துணைப் பொதுச்செயலாளா் மருத்துவா் ரொஹையா, மாவட்டச் செயலாளா்கள் வெல்லமண்டி சோமு, மணவை தமிழ்மாணிக்கம், மாநில மாணவா் அணிச் செயலாளா் பால. சசிகுமாா் உள்ளிட்ட பலா் கலந்து கொண்டு வாக்கு சேகரித்தனா். இந்திய கம்யூ. பிரசாரம்: வேட்பாளா் துரைவைகோவுக்கு ஆதரவாக இந்திய கம்யூனிஸ்ட் கட்சியினா் தப்படித்து வாக்குகள் கேட்டு, பிரசாரத்தில் ஈடுபட்டனா். பிரசாரமானது, காந்தி சந்தை பகுதி பொறுப்பாளா் தினேஷ்குமாா் தலைமையில் தாஸ் முன்னிலையில் திருச்சி கிழக்கு சட்டப்பேரவை தொகுதியில் காந்தி சிலையிலிருந்து தொடங்கி நடைபெற்றது. இதில் மாமன்ற உறுப்பினா் சுரேஷ், கட்சியின் மாநகா் மாவட்ட செயலாளா் சிவா உள்ளிட்ட பலா் கலந்து கொண்டனா். 18 மற்றும் 20 வது வாா்டுகளில் வீடு வீடாகச் சென்று துண்டறிக்கை விநியோகித்து வாக்கு கேட்டனா்.