சூளாங்குறிச்சியில் கால்நடைகளுக்கு கோமாரி நோய் தடுப்பூசி முகாம்

ரிஷிவந்தியம் அடுத்த சூளாங்குறிச்சி ஆவின் பால் உற்பத்தியாளர் கூட்டுறவு சங்கத்தில் நடந்த முகாமிற்கு, வேளானந்தல் கால்நடை உதவி மருத்துவர் நவநீதம் தலைமை தாங்கினார். தி.மு.க., பொதுக்குழு உறுப்பினர் ராஜூ, கூட்டுறவு சங்க செயலாளர் மகேந்திரன் முன்னிலை வகித்தனர். முகாமில், 250 பசுமாடு மற்றும் கன்றுகளுக்கு கோமாரி தடுப்பூசி செலுத்தப்பட்டது. கோமாரி நோய் தாக்குதல் முன்னெச்சரிக்கை நடவடிக்கையாக கால்நடைகளை மழையில் நனையவிடாமலும், ஈரப்பதம் இல்லாத இடத்திலும் கட்டி வைக்குமாறு விவசாயிகளுக்கு அறிவுறுத்தப்பட்டது. கால்நடை பராமரிப்பு உதவியாளர் சக்திவேல், விவசாயிகள் உட்பட பலர் உடனிருந்தனர்.