காங்கிரஸ் பூத் கமிட்டி நிர்வாகிகள் கூட்டம்

விருதுநகர் மாவட்டம் சாத்தூர் தனியார் திருமண மண்டபத்தில் நகர, வட்டார காங்கிரஸ் கமிட்டி சார்பில் நடைபெற உள்ள பாராளுமன்ற தேர்தலுக்கான பூத் கமிட்டி நிர்வாகிகள் கூட்டம் நடைபெற்றது. இக்கூட்டத்திற்கு காங்கிரஸ் கட்சி விருதுநகர் மேற்கு மாவட்ட செயலாளர் ரெங்கசாமி தலைமை தாங்கினார். விருதுநகர் மாவட்ட பொதுச்செயலாளர் ஜோதிநிவாஸ் முன்னிலை வகித்தார். சாத்தூர் நகர காங்கிரஸ் கமிட்டி தலைவர் அய்யப்பன், சாத்தூர் கிழக்கு வட்டார காங்கிரஸ் கமிட்டி தலைவர் சுப்பையா சாத்தூர் மேற்கு வட்டார காங்கிரஸ் தலைவர் கார்த்திக் ஆகியோர் பாராளுமன்ற தேர்தல் சம்பந்தமாக பல்வேறு ஆலோசனைகள் வழங்கினர். மேலும் பாராளுமன்ற தேர்தல் சம்பந்தமாக நகர வட்டார காங்கிரஸ் கமிட்டி நிர்வாகிகளும் இளைஞர் காங்கிரஸ், மாணவர் காங்கிரஸ், மகிலா காங்கிரஸ், மற்றும் காங்கிரஸ் தொண்டர்களும் நிர்வாகிகளும் என பலர் கலந்து கொண்டனர். நிகழ்ச்சியில் கலந்து கொண்ட நிர்வாகிகளுக்கு தமிழர் திருநாளை முன்னிட்டு புத்தாடைகளும் இனிப்புகளும் விருதுநகர் மாவட்ட பொதுச்செயலாளர் ஜோதிநிவாஸ் மற்றும் சாத்தூர் நகர காங்கிரஸ் கமிட்டி தலைவர் அய்யப்பன் வழங்கினார்.