பள்ளி மாணவ மாணவிகளுக்கு விலையில்லா மிதிவண்டி - சட்டமன்ற உறுப்பினர் ஆ.கிருஷ்ணசாமி வழங்கினார்

திருவள்ளூர் மாவட்டம் பூவிருந்தவல்லி சட்டமன்ற தொகுதிக்குட்பட்ட குத்தம்பாக்கம், திருமழிசை, கீழ்மணம்பேடு ஆகிய மூன்று பகுதிகளில் உள்ள அரசு மேல்நிலைப்பள்ளியில் படிக்கும் மாணவ, மாணவிகள் 341 பேருக்கு தமிழக அரசின் விலையில்லா மிதிவண்டிகளை பூவிருந்தவல்லி சட்டமன்ற உறுப்பினர் ஆ.கிருஷ்ணசாமி வழங்கினார். அதனை தொடர்ந்து மாணவர்களிடத்தில் உரையாற்றிய சட்டமன்ற உறுப்பினர் ஆ.கிருஷ்ணசாமி மாணவர்கள் சாலையில் பாதுகாப்போடு மிதிவண்டிகளை பயன்படுத்த வேண்டும் என பல்வேறு அறிவுரைகளை மாணவர்களுக்கு கூறினார். இந்நிகழ்வில் ஒன்றிய செயலாளர் தேசிங்கு, சேர்மேன் ஜெயக்குமார், துணை சேர்மேன் பரமேஸ்வரி கந்தன், கவுன்சிலர் மாரிமுத்து உட்பட பலர் கலந்துகொண்டனர்.