மேட்டூர் : கிறிஸ்த்துவர்களிடம் அதிமுகவினர் வாக்கு சேகரிப்பு

தர்மபுரி நாடாளுமன்ற தொகுதியில் உள்ளது மேட்டூர் சட்டமன்ற தொகுதி. தருமபுரி நாடாளுமன்ற தொகுதி அதிமுக வேட்பாளராக மருத்துவர் அசோகன் போட்டியிடுகிறார். இந்நிலையில் இன்று மேட்டூரில் கிறிஸ்துவ ஆலயங்களில் பிரார்த்தனைக்கு சென்று விட்டு திரும்பியவர்களிடம் அதிமுக வேட்பாளருக்கு ஆதரவாக மாநிலங்களவை உறுப்பினர் என். சந்திரசேகரன் தலைமையில் அதிமுக,வினர் வாக்கு சேகரிப்பில் ஈடுபட்டார்.

சிறுபான்மை மக்களுக்கு அதிமுகவின் செய்த திட்டங்களை எடுத்துக் கூறியும் ,துண்டு பிரசுரங்களை வழங்கியும் ஆதரவு திரட்டினர். இந்த வாக்கு சேகரிப்பின் போது சேலம் புறநகர் மாவட்ட கழக மகளிர் அணி செயலாளர் லலிதாசரவணன், அண்ணா தொழிற்சங்க மின்சார பிரிவு மாநில தலைவர் சம்பத் குமார் மற்றும் தே.மு.தி.க ,எஸ்.டி.பி.ஐ, உள்ளிட்ட கூட்டணி கட்சிகள் மற்றும் நிர்வாகிகள், தொண்டர்கள் ஏராளமானோர் பங்கேற்றனர்.