மேட்டூர் : புதிய கான்கிரீட் சாலைக்கு பூமி பூஜை.

சேலம் மாவட்டம்,மேட்டூர் அருகே ராமன் நகரில் சட்டமன்ற தொகுதி மேம்பாட்டு நிதி ரூ.10 லட்சம் மதிப்பில் புதிய கான்கிரீட் சாலை,பி.என்.பட்டி, பேரூராட்சிக்குட்பட்ட கவிபுரத்தில் ரூ.7 லட்சம் மதிப்பில் புதிய கான்க்ரீட் சாலை, கருமலை கூடல் 8-வது வார்டில் ரூ.4 லட்சம் மதிப்பில் கான்கிரீட் சாலை அமைக்கும் பணி இன்று தொடங்கப்பட்டது. இப்பணிகளை மேட்டூர் சட்டமன்ற உறுப்பினர் எஸ்.சதாசிவம் பூமி பூஜை செய்து தொடங்கி வைத்தார். இந்நிகழ்ச்சியில் சேலம் மேற்கு மாவட்ட பா.ம.க, செயலாளர் ராஜசேகரன்,பி.என்.பட்டி பேரூராட்சி பா.ம.க, செயலாளர் லுதீன்குமார், கோனூர் முன்னாள் தலைவர் கோ.தாமரை செல்வன் உள்ளிட்ட பலர் கலந்து கொண்டனர்.