மேட்டூர் ; உயர் மின் கோபுர விளக்கை திறந்து வைத்த எம்பி

சேலம் மாவட்டம் ,மேட்டூர் அருகே கொளத்தூர் ஒன்றியத்தில் உள்ளது பாலமலை மலை ஊராட்சி. இங்கு உயர் கோபுர மின் விளக்கு அமைத்து தர வேண்டுமென பாலமலை கிராம மக்கள் அதிமுக மாநிலங்களவை உறுப்பினர் என். சந்திரசேகரனிடம் கோரிக்கை வைத்தனர். கோரிக்கையை ஏற்று தொகுதி மேம்பாட்டு நிதி சுமார் 30 லட்ச ரூபாய் மதிப்பீட்டில் ராமன்பட்டி, பாத்திர மடுவு, கெம்மியம்பட்டி, கடுக்காய் மரத்துக்காடு, சிங்காரத்தோப்பு உள்ளிட்ட கிராமங்களில் 7 உயர் கோபுர மின்விளக்குகளை மாநிலங்களவை உறுப்பினர் என். சந்திரசேகரன் அமைத்து கொடுத்து கொடுத்து பொதுமக்கள் பயன்பாட்டிற்கு திறந்து வைத்தார். இந்த நிகழ்ச்சியில் கொளத்தூர் கிழக்கு ஒன்றிய அதிமுக செயலாளர் செல்வராஜ், மேற்கு ஒன்றிய செயலாளர் சுப்பிரமணியன்,பேரூர் செயலாளர் ரஜரத்தினம் உள்பட பலர் கலந்து கொண்டனர்.