எம்ஜிஆர் நினைவு தினம் அனுசரிப்பு

தமிழக முன்னாள் முதல்வரும் அதிமுக நிறுவன தலைவருமான பாரத ரத்னா ,டாக்டர் எம்ஜிஆர் அவர்களின் 36-ஆவது நினைவு தினம் இன்று தமிழகம் முழுவதும் அதிமுகவினரால் அனுசரிக்கப்பட்டு ,வரும் நிலையில் இதன் ஒரு பகுதியாக, நாமக்கல் மாவட்டம் பள்ளிபாளையம் ஆவரங்காடு பகுதியில் எம்ஜிஆர் அவர்களின் நினைவு தினம் அனுசரிக்கப்பட்டது. இந்த நிகழ்விற்கு பள்ளிபாளையம் நகர அதிமுக செயலாளர் பி.எஸ்.வெள்ளியங்கிரி தலைமை தாங்கினார். எம்ஜிஆர் அவர்களின் திரு உருவ சிலைக்கு மாலை அணிவித்து மரியாதை செலுத்தப்பட்டது.

மேலும் இரண்டு நிமிடம் மவுன அஞ்சலி செலுத்தப்பட்டு, எதிர்வரும் பாராளுமன்ற, சட்டமன்றத் தேர்தலில் அதிமுக வெற்றிக்கு பாடுபடுவோம் எனவும் உறுதிமொழி ஏற்றுக்கொள்ளப்பட்டது . ஒன்றிய கழக அதிமுக சேர்மன் செந்தில், வடக்கு ஒன்றிய செயலாளர் குமரேசன், பள்ளிபாளையம் நகர அதிமுக துணைச் செயலாளர் ஜெய்கணேஷ் ,அம்மா பேரவை செயலாளர் டி கே சுப்பிரமணி , நகர பொருளாளர் சிவக்குமார், ஆலாம்பாளையம் பேரூர் கழக செயலாளர் செல்லதுரை, பொதுக்குழு உறுப்பினர் திருமூர்த்தி, நகர எம்ஜிஆர் மன்ற செயலாளர் வாசு மற்றும் தகவல் தொழில்நுட்பப் பிரிவு, மகளிர் அணி, மாணவர் அணி, பாசறை மற்றும் இளைஞர் அணி மற்றும் ஏராளமானோர் இந்த நிகழ்வில் பங்கேற்றனர்.