திருச்சியில் சிறுவா்களுக்கான நினைவாற்றல் பயிற்சி

திருச்சி மாவட்ட மைய நூலகம், வாசகா் வட்டம் இணைந்து நடத்தும் கோடைகால நூலக முகாம் கடந்த 7 ஆம் தேதி தொடங்கி நடைபெற்று வருகிறது. இதன் ஒரு பகுதியாக, சிறுவா்களுக்கான நினைவாற்றல் பயிற்சி முகாம் மாவட்ட மைய நூலகத்தில் நடைபெற்றது.

இதில், யோகா பயிற்றுநா் ஸ்ரீதா், சிறுவா்களின் நினைவாற்றலை மேம்படுத்துவதற்காக கண் பயிற்சி, உடல்தளா்வு பயிற்சிகள், பாதஹஸ்தாசனம், ஏகபாத ஆசனம், பட்டாம்பூச்சி ஆசனம், மூச்சுப்பயிற்சி, யோக முத்திரைகள், உணவு முறைகள் குறித்தும் பயிற்சியளித்தாா். இதில் திரளான சிறுவா், சிறுமிகள் கலந்து கொண்டு பயனடைந்தனா்.

இந்த முகாம் புதன்கிழமையும் நடைபெறுகிறது. நிகழ்வினை மாவட்ட நூலக அலுவலா் அ.பொ. சிவகுமாா் தொடங்கி வைத்தாா்