மளிகை கடைக்காரரை தாக்கிய மினி பஸ் கண்டக்டர் கைது

தூத்துக்குடி மாப்பிள்ளையூரணி பாரதிநகரை சேர்ந்தவர் பொன்ராஜ் (50). இவர் அந்த பகுதியில் மளிகைக்கடை நடத்தி வருகிறார். இவரது கடையின் முன்பு மினி பஸ்சை நிறுத்துவது தொடர்பாக இவருக்கும், மினிபஸ் கண்டக்டரான மடத்தூரை சேர்ந்த சீனிவாசன் என்பவருக்கும் தகராறு இருந்து வந்துள்ளது. இந்தநிலையில் கடந்த 14-ந்தேதி மாலை வழக்கம்போல் கடையின் முன்பு மினி பஸ்சை நிறுத்தியுள்ளனர். இதுகுறித்து பொன்ராஜ் தட்டி கேட்டதாக தெரிகிறது. இதனால் ஆத்திரம் அடைந்த மினி பஸ் கண்டக்டர் சீனிவாசன் அவதூறாக பேசி மரக்கட்டையால் பொன்ராஜை சரமாரியாக தாக்கியுள்ளார். இதில் பலத்த காயமடைந்த பொன்ராஜை அங்கிருந்தவர்கள் மீட்டு தூத்துக்குடி அரசு மருத்துவமனையில் சேர்த்தனர். இதுகுறித்த புகாரின் பேரில் தாளமுத்துநகர் போலீசார் வழக்குப்பதிவு செய்து சீனிவாசனை கைது செய்தனர்.