மினி லாரி கவிழ்ந்து விபத்து - லோடு மேன் பலி

நாமக்கல்லில் உள்ள தனியார் கோழிப்பண்ணையில் இருந்து 54 ஆயிரம் முட்டைகளை ஏற்றிக்கொண்டு கன்னியாகுமரி மாவட்டம் மார்த்தாண்டம் நோக்கி மினி லாரி சென்றது. நாமக்கல்லை சேர்ந்த சரவணன் 36, டிரைவராகவும், அதே ஊரை சேர்ந்த பாலாஜி 28, லோடுமேனாகவும் வந்தனர். கரூர் திண்டுக்கல் வேடசந்துார் காக்காத்தோப்பூர் பிரிவு வந்தபோது டயர் வெடித்தது. கட்டுப்பாட்டை இழந்த மினி லாரி டிவைடரில் மோதி ரோட்டில் கவிழ்ந்தது. இதில் லோடுமேன் பாலாஜி இறந்தார். டிரைவர் சரவணன் காயமின்றி தப்பினார். வேடசந்துார் எஸ்.ஐ., பாண்டியன் விசாரிக்கிறார்.