சேலம் : வருகின்ற 14ம் தேதி மினிமாராத்தான் போட்டி

சேலம் மாவட்ட கலெக்டர் கார்மேகம் வெளியிட்டுள்ள செய்தி குறிப்பில் கூறியிருப்பதாவது, 6-வது தேசிய கேலோ இந்தியா இளைஞர் விளையாட்டுப் போட்டிகள் 2023-ஐ தமிழ்நாடு அரசு 18 வயதுக்கு உட்பட்ட விளையாட்டு வீரர், வீராங்கனைகளுக்கு நடத்துகிறது. இப்போட்டியில் 36 மாநிலங்கள் மற்றும் யூனியன் பிரதேசங்களை சேர்ந்த சுமார் 5,500 விளையாட்டு வீரர், வீராங்கனைகள் கலந்து கொள்கின்றனர். வருகிற 19-ந் தேதி முதல் 31-ந் தேதி வரை சென்னை, கோவை, மதுரை, திருச்சி ஆகிய 4 நகரங்களில் நடைபெற உள்ளது.

இதுகுறித்து பொது மக்களிடையே விழிப்புணர்வு ஏற்படுத்தும் வகையில் கேலோ இந்தியா விளம்பர வாகன பிரசாரம் மற்றும் மினி மாரத்தான் போட்டி வருகிற 11-ந் தேதி காலை 6 மணியளவில் மகாத்மா காந்தி விளையாட்டரங்கில் நடத்தப்பட உள்ளது. இப்போட்டிகளில் கலந்து கொள்ள வயது வரம்பு இல்லை. நேரடியாக கலந்து கொள்ளலாம் முதல் 3 இடங்களை பெறுபவர்களுக்கு பரிசுகள் மற்றும் சான்றிதழ்கள் வழங்கப்படும். இவ்வாறு அவர் அதில் தெரிவித்துள்ளார்.