தோவாளை கால்வாயில் கவிழ்ந்த மினி டெம்போ

கன்னியாகுமரி மாவட்டம் செண்பகராமன் புதூர் அருகே தோவாளை இணைப்பு சாலையின் அருகே செல்கின்ற தோவாளை கால்வாயின் கரைப் பகுதியில் தனியாருக்கு சொந்தமான பன்றி பண்ணை ஒன்று உள்ளது. நேற்று பல்வேறு ஹோட்டலில் இருந்து சேகரிக்கப்பட்ட கழிவுகளை பன்றிகளுக்கு உணவாக, பெரிய பேரலில் நிரப்பி அதனை டெம்போவில் ஏற்றிக்கொண்டு தோவாளை இனப்பு சாலை வழியாக சென்று கொண்டிருந்தது.

அப்போது திடீரென டிரைவரின் கட்டுப்பாட்டை இழந்த டெம்போ இணைப்பு சாலையின் அருகே செல்கின்ற தோவாளை கால்வாயில் தலைகீழாக கவிழ்ந்தது. இதனால் டெம்போவில் ஏற்றி வைக்கப்பட்டிருந்த ஹோட்டல் கழிவுகள் அப்பகுதியில் சிதறியது. ஆனால் வண்டி இடையில் சிக்கி கொண்ட டிரைவர் அதிர்ஷ்டவசமாக உயிர் தப்பினார். குறுகிய சாபையாக இருக்கின்ற காரணத்தால் இந்த விபத்து நடந்ததாக தெரிய வருகிறது. இதனை அடுத்து அப்பகுதியினர் உதவியுடன் அந்த வாகனத்தை மீட்டனர்.