பள்ளி வேன் மீது மினி லாரி மோதல் - 15 குழந்தைகள் லேசான காயம்.

அரியலூர் மாவட்டம் திருமழப்பாடியில் உள்ள கலைமகள் என்ற தனியார் பள்ளி வேன் மஞ்சமேடு, அன்னிமங்கலம், பாளையப்பாடி, கீழ காவட்டாங்குறிச்சி, காரைப்பாக்கம் உள்ளிட்ட கிராமங்களில் இருந்து பள்ளியில் படிக்கும் மாணவ, மாணவிகளை வேனில் ஏற்றிகொண்டு திருமழபாடிக்கு சென்றது.வேன் திருமழபாடி அருகே வந்த போது எதிரே எம்.சாண்ட் மணல் ஏற்றி வந்த மினி லாரி பள்ளி வேன் மீது மோதியது.

இதில் வேனின் முன்பக்க கண்ணாடி உடைந்தோடு, வேனின் முன்பக்கமும் சேதமடைந்தது. விபத்தில் வேனில் வந்த 15 பள்ளி குழந்தைகள் லேசான காயம் அடைந்தனர்.இவர்கள் அனைவரும் திருமானூர் அரசு ஆரம்ப சுகாதார நிலையத்திற்கு கொண்டு செல்லப்பட்டு அங்கு சிகிச்சை அளிக்கப்படுகிறது.திருமானூர் போலீசார் இவ்விபத்து குறித்து விசாரணை நடத்தி வருகின்றனர்.