ஜெகத்ரட்சகனை ஆதரித்து அமைச்சர் காந்தி வாக்கு சேகரிப்பு

ராணிப்பேட்டை மாவட்டம் அரக்கோணம் நாடாளுமன்ற தொகுதியில் இந்தியா கூட்டணியில் திராவிட முன்னேற்றக் கழகம் சார்பில் போட்டியிடும் வேட்பாளர் ஜெகத்ரட்சகனை ஆதரித்து மேல்விஷாரத்தில் ரம்ஜான் முன்னிட்டு தொழுகை நடத்திய இஸ்லாமியர்களிடம் அமைச்சர் காந்தி வாக்கு சேகரிப்பில் ஈடுபட்டார். அப்போது வேட்பாளர் ஜெகத்ரட்சகன் மற்றும் அமைச்சர் காந்தி ஆகியோர் இஸ்லாமியர்கள் அணியும் தொப்பியை அணிந்து உதய சூரியன் சின்னத்தில் வாக்களிக்க வேண்டி துண்டு பிரசுரங்களையும் வழங்கினர். இந்த நிகழ்வில் ராணிப்பேட்டை மாவட்ட திமுக நிர்வாகிகள் மற்றும் இந்தியா கூட்டணியில் உள்ள நிர்வாகிகள் தொண்டர்கள் என ஏராளமானோர் கலந்து கொண்டனர்.