கெங்கவல்லி அருகே மாயமான கல்லூரி மாணவி மீட்பு

கெங்கவல்லி:சேலம் மாவட்டம் கெங்கவல்லி அருகே கூடமலை ஊராட்சிக்குட்பட்ட சித்தம்பட்டி குட்டையை சேர்ந்தவர் சேகர் மகள் சத்யா (19). இவர் கெங்கவல்லி தனியார் கல்லூரியில் நர்சிங் டிப்ளமோ படித்து வருகிறார். இந்நி லையில், கல்லூரி சென்று வருவதாக சென்ற மாணவி மீண்டும் வீடு திரும்பவில்லை. இதையடுத்து பெற்றோர்கள் பல இடத்தில் தேடியும் கிடைக்கவில்லை. இதையடுத்து, கெங்கவல்லி போலீசாரிடம் சத்யாவின் தாய் தனலட்சுமி புகார் அளித்தனர். புகாரின் பேரில், கெங்கவல்லி போலீசார் வழக்குப்பதிவு செய்து விசாரணை நடத்தினர். விசாரணையில், திருவண்ணாமலையில் உள்ள உறவினர் வீட்டில், சத்தியா தங்கி இருந்தது தெரிய வந்தது. கெங்கவல்லி போலீசார் சத்யாவை மீட்டு விசாரணை மேற்கொண்ட போது, சத்தியா தாய் தனலட்சுமிடம் சண்டை போட்டு கோவித்து கொண்டு சென்றது தெரிய வந்தது. இதையடுத்து நீதிமன்றத்தில் சத்யாவை ஒப்படைக்க இருப்பதால், பெண்கள் காப்பகத்தில் சத்யாவை தங்க வைத்துள்ளனர்.