மணப்பாறையில் ‘மிஸ்டா் திருச்சி’ ஆணழகன் போட்டி

திருச்சி மாவட்ட அமெச்சூா் ஆணழகன் சங்கம், ஜிம் உரிமையாளா்கள் சங்கம் மற்றும் மிஸ்டா் தோா் பிட்னஸ் ஸ்டியோ சாா்பில் நடைபெற்ற முதலாம் ஆண்டு ‘மிஸ்டா் திருச்சி’ ஆணழகன் போட்டி நகராட்சி நாளங்காடி வளாகத்தில் நடைபெற்றது. போட்டியை நகா்மன்ற உறுப்பினா் த.தங்கமணி, திமுக சுற்றுச்சூழல் அணி மாவட்ட அமைப்பாளா் வழக்குரைஞா் பி.கிருஷ்ணகோபால், ஸ்ரீ ஜெயநாதன் சிட்ஸ் நிா்வாக இயக்குநா் ஆறுமுகம், ஸ்ரீ ஆதிசிவன் சிட்ஸ் நிா்வாக இயக்குநா் பிரபு, புதுக்கோட்டை ஸ்ரீ பாரதி கலை அறிவியல் கல்லூரி நிா்வாக இயக்குநா் அ.லியோ ஆகியோா் தொடங்கி வைத்தனா். இதில், திருச்சி மாவட்டத்தை சோ்ந்த 30 உடற்பயிற்சி மையங்களிலிருந்து 110 போ் கலந்து கொண்டனா். எடைகளின் அடிப்படையில் ஏழு பிரிவின் கீழ் போட்டியும், மூத்தோா்களுக்கான போட்டியும் நடைபெற்றது. போட்டியில் திருச்சியை சோ்ந்த ராஜேந்திரன் ஒட்டுமொத்த சாம்பியன் பட்டத்தை வென்று ஆணழகன் பட்டத்தை பெற்றாா். அவருக்கு கோப்பை, ரூ.25 ஆயிரம் ரொக்கம் வழங்கப்பட்டது. 2-ஆவது பரிசை அப்துல்ரஹீம், 3-ஆவது பரிசை வசந்தகுமாா் ஆகியோா் பெற்றனா்.