சிவகாசியில் புதிய பேருந்து வழித்தடத்தை தொடங்கி வைத்த சட்டமன்ற உறுப்பினர்

விருதுநகர் மாவட்டம் சிவகாசி காங்கிரஸ் சட்டமன்ற உறுப்பினர் அசோகன் சிவகாசியில் இருந்து கொடைக்கானல் செல்ல‌ புதிய பேருந்து வழித்தடத்தை அமைத்து கொடுக்க போக்குவரத்து துறை அமைச்சர் மற்றும் அரசு போக்குவரத்து கழக அதிகாரிகளிடமும் கோரிக்கை வைத்தார். அவரது கோரிக்கையை ஏற்று அரசு போக்குவரத்து கழக அதிகாரிகள் புதிய பேருந்துடன் புதிய பேருந்து வழித்தடத்தை உருவாக்கினர். இதன்படி பட்டாசு‌ நகர் சிவகாசியில் இருந்து மலைகளின் இளவரசி கொடைக்கானல் வரை செல்லும் அரசு போக்குவரத்து கழக புதிய பேருந்து வழித்தடத்தை சட்டமன்ற உறுப்பினர் அசோகன் பேருந்தை இயக்கி துவக்கி வைத்தார். இந்நிகழ்ச்சியில் அரசு போக்குவரத்து கழக அதிகாரிகள் பொதுமக்கள் ஏராளமானோர் கலந்து கொண்டனர்.