எம் எல் ஏ உதயசூரியன் பிரசாரம்

இந்தியாவில் நல்லாட்சி மலர அனைவரும் தி.மு.க.,வின் உதயசூரியன் சின்னத்திற்கு ஓட்டளியுங்கள் என இறுதிகட்ட பிரசாரத்தில் உதயசூரியன் எம்.எல்.ஏ., பேசினார். கள்ளக்குறிச்சி லோக்சபா தொகுதி தி.மு.க., வேட்பாளர் மலையரசன் நேற்று இறுதிகட்ட பிரசாரத்தில் ஈடுபட்டார். நேற்று மாலை 3:30 மணிக்கு கள்ளக்குறிச்சியில் இருசக்கர வாகன பேரணியுடன் பிரசாரத்தை துவங்கினார். வடக்கு மாவட்ட செயலாளர் உதயசூரியன் எம்.எல்.ஏ., தலைமை தாங்கினார். தெற்கு மாவட்ட செயலாளர் வசந்தம் கார்த்திகேயன் எம்.எல்.ஏ., முன்னிலை வகித்தார்.