உசிலம்பட்டி அருகே 50 ஆண்டு கோரிக்கையை நிறைவேற்றிய எம்.எல்.ஏ

உசிலம்பட்டி அருகே நல்லதேவன்பட்டியில் கிராம மக்களின் 50 ஆண்டு கோரிக்கையை நிறைவேற்றி வைத்த எம்.எல்.ஏ மதுரை மாவட்டம் உசிலம்பட்டி அருகே நல்லதேவன்பட்டியில் மயான மேடை இல்லாமல் கிராமமக்கள் திறந்தவெளி மயானத்திலேயே பிரேதத்தை எரியூட்டி வந்தனர்.

இதற்காக ஊர் பொதுமக்கள் 50 ஆண்டுகளாக அரசு அதிகாரிகளிடமும்; பலமுறை புகார் அளித்தும் மனுக்கொடுத்தும் எவ்வித நடவடிக்கையும் எடுக்கப்படவில்லை எனக் கூறப்படுகின்றது.இதனை தொடர்ந்து உசிலம்பட்டி எம்எல்ஏ ஐயப்பனிடம் ஊர் பொதுமக்கள் தங்கள் கிராமத்திற்கு மயான வசதி ஏற்படுத்திக் கொடுக்க வேண்டும் என கோரிக்கை வைத்திருந்தனர்.

இந்நிலையில் எம்எல்ஏ ஐயப்பன் நிதியிலிருந்து ரூ.4 லட்சம் ஒதுக்கப்பட்டு மயானம் அமைப்பதற்காக பூமி பூஜை நடைபெற்றது. இதில் எம்எல்ஏ ஐயப்பன் தலைமையில் பூமி பூஜை போடப்பட்டது. இதில் ஊர் பொதுமக்கள் பலர் கலந்து கொண்டனர்..