கீழ்கதிர்பூரில் குரங்குகள் தொல்லை - வனத்துறையிடம் கோரிக்கை மனு

காஞ்சிபுரம் ஒன்றியம், கீழ்கதிர்பூர் மற்றும் சுற்றியுள்ள கிராமங்களில், மூன்று ஆண்டுகளுக்கு முன் குரங்குகள் வரத் துவங்கின. தற்போது அதிகளவு குரங்குகள் சுற்றித் திரிகின்றன. கூட்டமாக வரும் குரங்குகள் வீட்டிற்குள் புகுந்தும், சிமென்ட் ஷீட் போடப்பட்ட வீடுகளில் ஷீட்டை உடைத்தும், கடைகளுக்கு சென்று வரும் குழந்தைகள், பெரியவர்களின் கைகளில் வைத்திருக்கும் பொருட்களை பிடுங்கி சென்று விடுகின்றன. இதனால் சிலர் மயங்கி விழுந்தும் உள்ளனர். தொடர்ந்து கீழ்கதிர்பூர் கிராம மக்களை குரங்குகள் அச்சுறுத்தி வருகின்றன. எனவே, கிராம மக்களை பாதுகாக்கும் வகையில், கீழ்கதிர்பூரில் சுற்றித்திரியும் குரங்குகளை பிடித்து வனப்பகுதியில் விட நடவடிக்கை எடுக்க வேண்டும். இவ்வாறு மனுவில் கூறப்பட்டுள்ளது.