பருவமழை :வேலூர் மாவட்ட காவல்துறை சார்பில் பேரிடர் மேலாண்மை குழு

வடகிழக்கு பருவமழை தொடங்கியுள்ளதை அடுத்து, வேலூர் மாவட்டத்தில் காவல்துறை சார்பில் 7பேர் கொண்ட பேரிடர் மேலாண்மை குழு மாவட்ட காவல் அலுவலகத்தில் துவக்கப்பட்டு இருப்பதாக மாவட்ட காவல்துறை கண்காணிப்பாளர் மணிவண்ணன் தெரிவித்தார். இக்குழுவானது மாவட்ட ஆட்சியர் அலுவலகம், வருவாய்த்துறை, தீயணைப்பு மற்றும் மீட்புத்துறை, மாநில மற்றும் தேசிய பேரிடர் மீட்பு படை போன்ற இடங்களில் உள்ள பேரிடர் கட்டுப்பாட்டு அறைகளுடன் தொடர்புகொண்டு , அவசர காலத்தில் தேவையான உதவிகளை பெற்று பேரிடர் காலங்களில் பொதுமக்களை பாதுகாக்க நடவடிக்கை எடுக்கப்பட்டுள்ளது. பொதுமக்கள் நேரமும் கட்டுப்பாட்டு அறையை தொடர்பு கொண்டு 9384039774 மற்றும் 0416-2256538 என இரண்டு எண்கள் மூலம் மழை வெள்ளம் தொடர்பான தேவையான உதவிகளை பெற்றுக் கொள்ளுமாறு அவர் தெரிவித்துள்ளார்.