வருகிற 11 ந் தேதி குறைதீர்க்கும் கூட்டம்

சேலம் தளவாய்பட்டி, ஸ்டீல் பிளாண்ட் ரோட்டில் சேலம் மண்டல தொழிலாளர் வருங்கால வைப்பு நிதி அலுவலகம் செயல்பட்டு வருகிறது. கமிஷனர் சிவக்குமார் தலைமையில் நிதி ஆப்கே நிகட் என்ற பெயரில் மாதாந்திர குறைதீர்க்கும் கூட்டம் வருகிற 11-ம் தேதி நடைபெறுகிறது. இதில் உறுப்பினர்கள் தொழிற்சங்க பிரதிநிதிகள் காலை 11:30 மணி முதல் 1 மணி வரையும், தொழிலதிபர்கள் 3 மணி முதல் 4 மணி வரையிலும், விலக்கு அளிக்கப்பட்ட நிறுவனங்களுக்கு மாலை 4 மணி முதல் 5 மணி வரையிலும், நடைபெறுகிறது. இக்கூட்டத்தில் வருங்கால வைப்பு நிதி தொடர்பான குறைகளை தெரிவிக்க விரும்பும் உறுப்பினர்கள், தொழிலதிபர்கள் மற்றும் தொழிற்சங்க பிரதிநிதிகள் அது குறித்த விவரங்களுடன் தங்களது பெயர், நிறுவன முகவரி, தொழிலாளர் வருங்கால வைப்பு நிதி எண், யூ ஏ என் மின்னஞ்சல் முகவரி, செல்போன் எண் ஆகிய விவரங்களை வருகிற 8ம் தேதிக்குள் இந்த அலுவலகத்தின் ro.salem@epfindia.go.in மின்னஞ்சலில் தெரியப்படுத்துவும். இந்த தகவலை மண்டல தொழிலாளர் வருங்கால வைப்பு நிதி அலுவலகம் தெரிவித்துள்ளது.