வைகாசி மாத மூல நட்சத்திரம் - அனுமன் கோவில்களில் சிறப்பு பூஜை

நாமக்கல் ஆஞ்சநேயருக்கு வைகாசி மாதம் மூல நட்சத்திரத்தை முன்னிட்டு நேற்று சிறப்பு அபிஷேகம், அலங்காரம் நடைபெற்றது. இதேபோல் மோகனூர் பெருமாள் ஆலயத்தில் நேற்று மாலை மூல நட்சத்திரத்தை முன்னிட்டு பக்த ஹனுமானுக்கு வெள்ளிக்கவச சிறப்பு அலங்காரத்தில் பக்தர்களுக்கு காட்சியளித்தார். இதில் திரளாக பக்தர்கள் கலந்து கொண்டு ஆஞ்சநேயரை வழிபட்டு சென்றனர்.

அனுமனுக்கு உகந்த மூல நட்சத்திர தினத்தில் விரதம் இருந்து, அருகில் உள்ள அனுமன் கோயிலுக்குச் சென்று தரிசியுங்கள். துளசி மாலை சார்த்துங்கள். வெற்றிலை வெற்றிலை மாலை கட்டி எடுத்துச் சென்று வழங்குங்கள். கொஞ்சம் வெண்ணெய் வழங்கி சார்த்துங்கள். அப்படியே இயலாதோருக்கு புளியோதரை அல்லது தயிர்சாதம் அன்னதானமாக வழங்குங்கள். உங்களின் எல்லாக் காரியங்களிலும் பக்கபலமாக இருந்து காத்தருள்வார் ராமபக்தன் என்று போற்றுகிறார்கள் பக்தர்கள்.