ஆம்பூரில் வளர்ச்சி திட்டப் பணிகளை துவக்கி வைத்த எம்.பி.,

திருப்பத்தூர் மாவட்டம் ஆம்பூரில் பள்ளி மற்றும் பேருந்து நிழற்கூடம் அமைக்கும் பணிகளை பூமி பூஜை போட்டு துவக்கி வைத்த வேலூர் நாடாளுமன்ற உறுப்பினர்.

திருப்பத்தூர் மாவட்டம். ஆம்பூர் ஏ - கஸ்பா பகுதியில் உள்ள அரசு துவக்கப்பள்ளி வளாகத்தில் கூடுதல் கட்டிடம் கட்ட நாடாளுமன்ற உறுப்பினர் நிதியில் இருந்து 22 லட்சம் ரூபாய் ஒதுக்கப்பட்டது, அதன்படி இன்று வேலூர் நாடாளுமன்ற உறுப்பினர் கதிர்ஆனந்த் அரசு பள்ளி வளாகத்தில் கூடுதல் கட்டிடம் கட்ட பூமி பூஜை செய்தார்.

அதனை தொடர்ந்து ஆம்பூர் கன்னிகாபுரம் பகுதியில் 22 லட்சம் மதிப்பில் பேருந்து நிழற்கூடம் அமைக்க பூமி பூஜை செய்து அடிக்கல் நாட்டினார்.. மேலும் இந்நிகழ்ச்சியில் ஆம்பூர் சட்டமன்ற உறுப்பினர் வில்வநாதன், மற்றும் அரசு அதிகாரிகள், மற்றும் பலர் கலந்து கொண்டனர்.