கோட்டை பெருமாள் கோவிலில் முகூர்த்தக்கால் நடும் விழா

சேலம் கோட்டை பெருமாள் கோவிலில் ஒவ்வொரு ஆண்டும் வைகாசி விசாக தேர்த்திருவிழா வெகுவிமரிசையாக நடைபெறும். அதன்படி இந்தாண்டு தேர்த்திருவிழா அடுத்த மாதம் (மே) 24-ந்தேதி நடக்கிறது. இதையொட்டி முகூர்த்தக்கால் நடும் விழா நேற்று கோவில் வளாகத்தில் நடைபெற்றது. இதில் கோவில் அறங்காவலர் குழு தலைவர் வெங்கடேஸ்வரி சரவணன் கலந்து கொண்டு முகூர்த்தக்கால் நட்டு வைத்தார். தொடர்ந்து முகூர்த்தக்காலுக்கு புனித நீர் ஊற்றப்பட்டது. முன்னதாக பெருமாளுக்கு சிறப்பு அபிஷேகம் நடந்தது. இதில் கோவில் செயல் அலுவலர் அனிதா உள்பட பலர் கலந்து கொண்டனர்.