விராலிமலை முருகன் கோயிலில் முகூர்த்தக்கால் நடும் நிகழ்ச்சி

விராலிமலை முருகன் கோயிலில் தைப்பூச தேரோட்டத்துக்கான முகூர்த்த கால் நடும்நிகழ்ச்சி நடைபெற்றது. விராலிமலை முருகன் கோவில் தைப்பூச விழா கொடியேற்றம் கடந்த ஜனவரி 16ஆம் தேதி நடைபெற்றது. இதை தொடர்ந்து 11 நாட்கள் நடைபெறும் திருவிழாவில் வள்ளி தெய்வானை சமேதராக முருகன் பல்வேறு வாகனங்களில் எழுந்தருளி திருவீதி உலா வந்து காட்சியளிக்கிறார்.

விழாவின் முக்கிய நிகழ்வான தேரோட்டம் வரும் 24ஆம் தேதி காலை 10:30க்கு நடைபெறுகிறது. இதற்கான முகூர்த்த கால் நடும் நிகழ்ச்சி தேரில் முருகன் எழுந்தருளும் மையமேடையில் நடைபெற்றது.

விழாவில் தேர் வடிவமைப்பாளர் விழா குழு பூபாலன், ஜனனி, ராமச்சந்திரன், கிரிவலம் முருகேசன், அபூர்வா பாஸ்கர், ரங்கராஜன் மற்றும் கோயில் ஊழியர்கள், விழா குழுவினர் பங்கேற்றனர்.