நத்தத்தில் திருவிழாவிற்காக முகூர்த்தக்கால் நடும் நிகழ்ச்சி

திண்டுக்கல் மாவட்டம், நத்தம்காமராஜர் நகர் பத்ரகாளியம்மன் கோயில் திருவிழா 1999-ஆம் ஆண்டில் 15 நாள் திருவிழாவாக நடத்தப்பட்டது. அதன் பின்னர் திருவிழா நடத்தப்படவில்லை. இந்நிலையில் 24 ஆண்டுகளுக்கு பிறகு திருவிழா நடத்த முடிவு செய்யப்பட்டு வருகிற 18-ஆம் தேதி அழகர்மலை தீர்த்தம் அழைத்துவரப்பட்டு காப்பு கட்டுதலுடன் தொடங்குகிறது.

இதையொட்டி முகூர்த்தக்கால் நடும் விழா நடைபெற்றது. இதில் மாவிலைகளால் அலங்கரிக்கப்பட்டு சிறப்பு பூஜைகள், தீபாராதனைகளுக்கு பின் முகூர்த்தக்கால் நடப்பட்டது.தொடர்ந்து வருகிற 21-ஆம்தேதிபால்குடம் எடுத்தல் நிகழ்ச்சியும், 25-ஆம் தேதி அம்மன்நகர்வலம் வரும் நிகழ்ச்சியும் நடைபெற உள்ளது.