வாகனங்கள் அடுத்தடுத்து மோதல் - இரண்டு பேர் படுகாயம்

குமரி மாவட்டம் கொல்லங்கோடு பாத்திமாநகர் பகுதியை சேர்ந்தவர் ஹரி தாஸ் என்ற விஷ்ணு ஆட்டோ டிரைவர். சம்ப வத்தன்று இவர் சவாரி முடிந்து, சூழால் கலுங்குநடை சந்திப்பில் வந்து கொண்டிருந்தார். அப்போது எதிரே கொல்லங்கோடு ஊரம்பு பகுதியை சேர்ந்த சசி என்பவர் பைக்கில் வந்தார். இவரின் பைக்கிற்கு பின்னால் வேகமாக வந்த மினி டெம்போ, சசியின் பைக் மீது மோதி விட்டு நிற்காமல் சென்று விட்டது. இதில் சசி வந்த பைக் கட்டுப்பாட்டை இழந்து கீழே விழுந்து சிறிது தூரம்வேகமாக இழுத்து செல்லப்பட்டு எதிரே வந்த ஹரிதாஸ் ஆட்டோ மீது மோதியது. இதில் ஆட்டோவும் கவிழ்ந்தது. இந்த விபத்தில் ஹரிதாஸ், சசி ஆகிய இருவரும் பலத்த காயம் அடைந்தனர். சசி, திருவனந்தபுரத்தில் உள்ள தனியார் மருத்துவமனையிலும், ஹரி தாஸ் திருவனந்தபுரம் மருத்துவக்கல்லூரி மருத் துவமனையிலும் சேர்க்கப்பட்டனர். ஹரிதாஸ் அளித்த புகாரின் பேரில், கொல்லங்கோடு போலீசார் வழக்கு பதிவு செய்தனர். விபத்து ஏற்படுத்தி விட்டு நிற்காமல் சென்ற மினிடெம்போவை தேடி வருகிறார்கள்.