திமுக வேட்பாளருக்கு ஆதரவாக வாக்கு சேகரித்த பேரூராட்சி தலைவர்

நாடாளுமன்றத் தேர்தல் வரும் 19 ஆம் தேதி தமிழ்நாட்டில் ஒரே கட்டமாக நடைபெற உள்ளது. தஞ்சாவூர் நாடாளுமன்றத் தொகுதியில், இந்தியா கூட்டணி சார்பில், திமுக வேட்பாளர் ச.முரசொலி போட்டியிடுகிறார்.

அவருக்கு ஆதரவாக பேராவூரணி சட்டமன்றத் தொகுதி முழுவதும், சட்டப்பேரவை உறுப்பினர் நா.அசோக்குமார், திமுக ஒன்றிய, நகரக் கழகச் செயலாளர்கள், கூட்டணிக் கட்சியினர் தீவிர வாக்குச் சேகரிப்பில் ஈடுபட்டு வருகின்றனர். பேராவூரணி பேரூர் கழகச் செயலாளர என்.எஸ்.சேகர் தலைமையில், பேரூராட்சி பெருந்தலைவர் சாந்தி சேகர்,

பேரூராட்சி கவுன்சிலர் ஹபீபா பாரூக் மற்றும் இளைஞர் அணி சாத்தையன், வடிவேல், பிரகாஷ் உள்ளிட்ட கட்சியினர் அண்ணா நகர், எம்.ஜி.ஆர் நகர், பாந்தக்குளம், கே.கே. நகர், சேதுசாலை உள்ளிட்ட பல்வேறு பகுதிகளில் வீடு வீடாகச் சென்று,

பொதுமக்களை சந்தித்து திமுக அரசின் சாதனைகளை சொல்லி, துண்டுப் பிரசுரம் வழங்கி திமுக வேட்பாளர் ச.முரசொலிக்கு ஆதரவாக பிரச்சாரம் மேற்கொண்டு வருகின்றனர். செல்லும் இடங்களில் எல்லாம் பொதுமக்கள் உற்சாகத்துடன் இந்தியா கூட்டணிக்கு ஆதரவு தெரிவித்து வருகின்றனர். இதேபோல், திமுக மருத்துவர் அணி சார்பில், தஞ்சாவூர் தெற்கு மாவட்ட மருத்துவர் அணி மாவட்ட அமைப்பாளர் டாக்டர் வி.சௌந்தரராஜன் தலைமையில்,

பேராவூரணி வடக்கு ஒன்றியம் திருச்சிற்றம்பலம், செருவாவிடுதி, ஈச்சன்விடுதி, வளசக்காடு உள்ளிட்ட பகுதிகளில் வாக்கு சேகரிக்கப்பட்டது. இதில், ஒன்றியச் செயலாளர் இளங்கோ, மாவட்ட ஊராட்சிக்குழு உறுப்பினர் அலிவலம் அ.மூர்த்தி, மாவட்ட நெசவாளர் அணி அமைப்பாளர் பன்னீர்செல்வம், மருத்துவர் அணி துணை அமைப்பாளர் ராஜூ, லெனின் மற்றும் பலர் கலந்து கொண்டனர்.