முப்புடாதி அம்மன் கோயில் வைகாசி பிரமோற்சவ திருவிழா

தென்காசி மாவட்டம் கடையநல்லூர் மார்க்கெட் அருகே உள்ள பிரசித்தி பெற்ற அருள்மிகு ஸ்ரீ முப்புடாதி அம்மன் திருக்கோயில் வைகாசி பிரமோற்சவ திருவிழாவின் 2ம் திருநாள் நிகழ்ச்சி நடைபெற்று வருகிறது, இதனை முன்னிட்டு முப்புடாதி அம்மனுக்கு சிறப்பு அபிஷேகம், அலங்காரம், தீப ஆராதனை, சிறப்பு பூஜைகள் நடைபெற்றது . இதை தொடர்ந்து மலர்களால் அலங்கரிக்கப்பட்ட சப்பரத்தில் முப்புடாதி அம்மன் எழுந்தருளி வீதி உலா வந்து பக்தர்களுக்கு அருள் பாலித்தார். இந்த நிகழ்ச்சியில் திரளான பக்தர்கள் கலந்து கொண்டு சுவாமி தரிசனம் செய்தனர்.