திருப்பூரில் மழை வேண்டி இஸ்லாமியர்கள் சிறப்பு தொழுகை!

தமிழகம் முழுவதும் கோடை வெயிலில் தாக்கம் நாளுக்கு நாள் அதிகரித்து வருகிறது. மேலும் திருப்பூர் உள்ளிட்ட மாவட்டங்களுக்கு வெப்ப அலை காரணமாக ஆரஞ்சு அலார்ட் விடப்பட்டுள்ள நிலையில் கோடை வெயிலின் தாக்கம் குறையவும் , மழை பெய்ய வேண்டியும் திருப்பூர் வட்டார ஜமாஅத்துல் உலமா சபை மற்றும் திருப்பூர் அனைத்து பள்ளிவாசல்களும் இணைந்து திருப்பூர் காங்கேயம் சாலை சிடிசி கார்னர் , எஸ்ஏபி திரையரங்கம் அருகே உள்ள பள்ளிவாசல் , பல்லடம் மற்றும் மங்களம் உள்ளிட்ட நான்கு இடங்களில் சிறப்பு தொழுகை நடைபெற்றது. மழை வேண்டி திருப்பூரில் நான்கு இடங்களில் நடைபெற்ற இந்த சிறப்பு தொழுகையில் ஆயிரக்கணக்கான இஸ்லாமியர்கள் கலந்து கொண்டனர்.