முஸ்தபா,முஸ்தபா - உற்சாக நடனமாடிய மாணவிகள்

கரூர் மாவட்டம், புன்னம் சத்திரம் பகுதியில் செயல்படும் அன்னை மகளிர் கல்லூரியில் 2007-2023 பேட்ச் முன்னாள் மாணவிகளின் சந்திப்பு நிகழ்ச்சி கல்லூரியின் கூட்ட அரங்கில், அன்னை ஸ்ரீ அரபிந்தோ கல்வி அறக்கட்டளையின் நிறுவனர் மலையப்பசாமி தலைமையில் நடைபெற்றது. இந்த நிகழ்ச்சியில் அந்த கல்லூரியில் 2007 ஆம் ஆண்டு முதல் 2023 ஆம் ஆண்டு வரையிலான கல்வி ஆண்டுகளில் பயின்ற முன்னாள் மாணவிகள் ஏராளமானோர் கலந்து கொண்டனர். அப்போது, முன்னாள் மாணவிகள் ஒருவருக்கொருவர் பரஸ்பரம் தங்களது நிலை குறித்து பேசிக் கொண்டனர்.

இதனைத் தொடர்ந்து நடைபெற்ற நிகழ்ச்சியில் முன்னாள் மாணவிகள் தாங்கள் கடந்து வந்த பாதையை நினைவு கூர்ந்து கல்லூரி நாட்களில் ஏற்பட்ட நினைவுகளை பகிர்ந்து கொண்டனர். நிகழ்ச்சியின் நிறைவில் திரை இசை பாடல்கள் ஒலிபரப்பப்பட்டு அதற்கேற்றவாறு மாணவிகள் மனம் திறந்து, தங்களது கவலைகளை மறந்து ஆடிப்பாடி மகிழ்ந்தனர். அப்போது, காதல் தேசம் திரைப்படத்தில் ஏ ஆர் ரகுமான் இசையமைத்து வாலி எழுதிய பாடலான முஸ்தபா..... முஸ்தபா...... டோன்ட் வொரி முஸ்தபா.... என்ற பாடல் இசைக்க முன்னாள் மாணவிகளான இந்நாள் இளம்பெண்கள் அனைவரும் உற்சாகமடைந்து ஆடி பாடி கொண்டாடினர். இதனைக் கண்ட கல்லூரி பேராசிரியர்களும் அவர்களுடன் இணைந்து ஆடி பாடி மகிழ்ந்தனர். பல வருடங்களுக்குப் பிறகு சந்தித்த தங்கள் கல்லூரியில் பயின்ற மாணவிகள் சந்தோஷமடைந்த காட்சியை பார்த்த கல்லூரியின் நிறுவனத் தலைவரும், முன்னாள் எம்எல்ஏவும் ஆன மலையப்பசாமி கரவொலி எழுப்பி அனைவரையும் உற்சாகப்படுத்தினார்.