முத்தாலம்மன் கோயில் வருடாபிஷேக விழா

திண்டுக்கல் மாவட்டம், நத்தம் அடுத்துள்ள புதுப்பட்டி முத்தாலம்மன் கோயில் கும்பாபிஷேகம் நடந்து ஒரு ஆண்டு நிறைவடைந்ததை தொடர்ந்து வருடாபிஷேக விழா ஞாயிற்றுக்கிழமை நடைபெற்றது. இதையொட்டி கோயிலில் யாகசாலை அமைக்கப்பட்டு சிறப்பு பூஜைகள் நடந்தது.

தொடர்ந்து அம்மனுக்கு சிறப்பு அபிஷேகம், அலங்காரம், ஆராதனைகள் நடந்தது. இதில் புதுப்பட்டி, குட்டூர் பகுதியைச் சேர்ந்த பக்தர்கள் கலந்து கொண்டு அம்மனை தரிசனம் செய்து வழிபட்டனர். இதற்கான ஏற்பாடுகளை புதுப்பட்டி கிராம பொதுமக்கள் செய்திருந்தனர்.