உடையாளிப்பட்டி பகுதியில் வாலிபருக்கு கத்திக்குத்து: மர்ம நபர்களுக்கு வலை!

கீரனுார்: உடையாளிப்பட்டியை சேர்ந்தவர் தாமஸ் பெர்க்மென்ஸ்(34). நேற்று முன்தினம் இரவு குன்றாண்டார்கோவில் பாரதி நகர் பகுதியில் பைக்கை நிறுத்திவிட்டு செல்போனில் பேசிக் கொண்டிருந்தார். அப்போது, அந்த வழியாக பைக்கில் வந்த மர்ம நபர்கள் இருவர் கூச்சலிட்டபடி சென்றனர். இதை தாமஸ் பெர்க் மென்ஸ் தட்டிக்கேட்டார். இதனால் ஆத்திரமடைந்த இருவரும் தாமஸ் பெர்க்மென்சை கத்தியால் தாக்கி செல்போனை பறித்து சென்றனர். படுகாயமடைந்த தாமசை அப்பகுதி மக்கள் மீட்டு புதுக்கோட்டை அரசு மருத்துவக்கல்லுாரி மருத்துவமனையில் சேர்த்தனர். இதுகுறித்து உடையாளிப்பட்டி போலீசார் வழக்குப்பதிந்து விசாரணை நடத்தி வருகின்றனர்.