பெண்னிடம் நகை பறித்த மர்ம நபர் - போலீசார் விசாரணை

கோவை:சுங்கம் மதுரவீரன் திட்டு பகுதியை சேர்ந்தவர் பத்மாவதி.சம்பவத்தன்று தனது தம்பியின் மனைவியுடன் இரு சக்கர வாகனத்தில் லட்சுமி மில் பகுதியில் பயணித்துக் கொண்டிருந்தார்.அப்போது இவர்களது வாகனத்தின் பின்னால் வந்த அடையாளம் தெரியாத மர்ம நபர் பத்மாவதிவின் கழுத்தில் இருந்த தங்கச் செயினை பறித்து விட்டு மின்னல் வேகத்தில் அங்கிருந்து தப்பி சென்றார்.இதுகுறித்து பத்மாவதி அளித்த புகாரின் பேரில் வழக்கு பதிவு செய்த பந்தய சாலை போலீசார் அப்பகுதி உள்ள சிசிடிவி கேமராவில் பதிவான காட்சிகளைக் கொண்டு செயின் பறிப்பில் ஈடுபட்ட குற்றவாளியை தேடி வருகின்றனர்.நகரின் முக்கிய சந்திப்பு பகுதியான இடத்தில் மக்கள் நடமாட்டம் எப்போதும் உள்ள நிலையில் இந்த திருட்டு சம்பவம் நடைபெற்று உள்ளது குறிப்பிடதக்கது.