மூதாட்டியின் செயினை பறித்து சென்ற மர்ம நபர்களால் பரபரப்பு !

விருதுநகரில் முகவரி கேட்பது போல் நடித்து மூதாட்டியின் தாலி செயினை பறித்து சென்ற மர்ம நபர்கள்.விருதுநகர் திரு.வி.க தெருவை சேர்ந்தவர் கோதையாண்டாள் 65. இவர் இன்று காலை தன் வீட்டின் முற்றத்தை சுத்தம் செய்து கொண்டிருந்தபோது இருசக்கர வாகனத்தில் குல்லா அணிந்து வந்த அடையாளம் தெரியாத இருவர் முகவரி கேட்பதுபோல் நடித்து மூதாட்டி கோதையாண்டாள் கழுத்தில் அணிந்திருந்த நான்கரை பவுன் தாலி செயினை பறித்து சென்றனர். இச்சம்பவம் குறித்து சூலக்கரை காவல் நிலையத்தில் மூதாட்டி புகார் அளித்தார். இதனை தொடர்ந்து அந்த பகுதியில் உள்ள சிசிடிவி கண்காணிப்பு கேமராவில் பதிவான காட்சிகளை ஆய்வு செய்து செயின் பறித்த நபர்களை தேடி வருகின்றனர். அதிகாலை நேரத்தில் முகவரி கேட்பது போல் நடித்து செயின் பறிப்பில் ஈடுபட்ட சம்பவம் அப்பகுதி மக்கள் மத்தியில் அச்சத்தை ஏற்படுத்தியுள்ளது.