லால்குடி அருகே லாரி டிரைவரிடம் செல்போனை திருடிச் சென்ற மர்ம நபர்கள்

கடலூர் மாவட்டம் சிதம்பரம் நடுத்தெருவை சேர்ந்தவர் 33 வயதான கஜேந்திரன்.இவர் லாரி டிரைவராக வேலை செய்து வருகிறார்.இவர் தூத்துக்குடி மாவட்டத்தில் இருந்து டிப்பர் லாரியில் ஜிப்சம் ஏற்றிக்கொண்டு அரியலூரில் உள்ள டால்மியா சிமெண்ட் கம்பெனிக்கு சென்று கொண்டிருந்தார்.

அப்போது லால்குடி அருகே கீழ்மாரிமங்கலத்தில் உள்ள திருச்சி சிதம்பரம் தேசிய நெடுஞ்சாலையில் லாரியை நிறுத்திவிட்டு லாரியின் அடியில் ஓய்வு எடுத்துக் கொண்டிருந்தார். அப்போது அங்கு வந்த மர்ம நபர்கள் அவரிடம் இந்த ஆண்ட்ராய்டு செல்போனை திருடிச் சென்றனர்.

இதனால் அதிர்ச்சி அடைந்த கஜேந்திரன் இதுகுறித்து லால்குடி காவல் நிலையத்தில் புகார் கொடுத்தார்.

புகாரின் பேரில் லால்குடி போலீசார் வழக்கு பதிவு செய்த செல்போனை திருடிச் சென்ற மர்ம நபர்களை வலைவீசி தேடி வருகின்றனர்.