சிறுகாம்பூரில் பைக்கை திருடி சென்ற மர்ம நபர்கள்: போலீசார் விசாரணை

மோட்டார் பைக்கை திருடி சென்ற மர்ம நபர்கள். மரம் நபர்களுக்கு போலீசார் வலை வீச்சு. திருச்சி மாவட்டம் மண்ணச்சநல்லூர் அருகே சோழங்கநல்லூரை சேர்ந்தவர் 24 வயதான பாலமுருகன் இவர் தனது மோட்டார் பைக்கை சிறுகாம்பூரில் உள்ள வங்கி முன்பு நிறுத்திவிட்டு அருகில் நின்று செல்போனில் பேசிக் கொண்டிருந்தார்.

அப்போது அங்கு வந்த மர்ம நபர்கள் மோட்டார் பைக்கை திருடிச் சென்றனர்.சிறிது நேரம் கழித்து பாலமுருகன் வந்து பார்த்தபோது மோட்டார் பைக் மாயமாகி இருந்ததைக் கண்டு அதிர்ச்சி அடைந்தார். இது குறித்து அவர் வாத்தலை காவல் நிலையத்தில் புகார் கொடுத்தார்.

புகாரின் பேரில் வாத்தலை போலீசார் வழக்கு பதிவு செய்து விசாரணை செய்து வருகின்றனர். மேலும் மோட்டார் பைக்கை திருடிச் சென்ற மர்ம நபர்களை வலைவீசி தேடி வருகின்றனர்.