மலை ஏற்றத்தில் மாயமான இளைஞர் பலி !

மலை ஏற்றத்தில் மாயமான திண்டுக்கல் இளைஞர் சடலமாக மீட்கப்பட்டார். நீலகிரி மாவட்டம் குன்னூர் அருகே சுற்றுலா பயணிகள் செல்ல தடைசெய்யப்பட்ட செங்குட்டுவராயன் மலை உச்சிக்கு 10 இளைஞர்கள் மலை ஏற்றத்திற்க்காக சென்றனர் .அப்போது திண்டுக்கல் மாவட்டம் நத்தம்- கோபால்பட்டியை சேர்ந்த பிரவீன்குமார் என்ற இளைஞர் மாயமானார். இந்நிலையில் தற்போது 300 அடி பள்ளத்தில் சடலமாக கண்டெடுக்கப்பட்டு உள்ளார். இந்த சம்பவம் திண்டுக்கல் பகுதியில் சோகத்தை ஏற்படுத்தியுள்ளது.