நாமக்கல்: திமுகவில் இணைந்த அதிமுகவினர்

நாமக்கல் கிழக்கு மாவட்டம் புதுச்சத்திரம் வடக்கு ஒன்றியக் கழகச் செயலாளர் எம்.பி.கௌதம் ஏற்பாட்டில், புதுச்சத்திரம் ஒன்றியம் கல்யாணி முன்னாள் ஒன்றிய அதிமுக துணைச் செயலாளரும், முன்னாள் அதிமுக ஊராட்சி செயலாளரும், சொசைட்டி தலைவருமான புலி (எ) பழனிவேல் தலைமையில் 50 க்கும் மேற்பட்டோர் அதிமுகவில் இருந்து விலகி நாமக்கல் கிழக்கு மாவட்ட கழக செயலாளரும், மாநிலங்களவை உறுப்பினர் நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் , நாமக்கல் சட்டமன்ற உறுப்பினர் பெ.ராமலிங்கம் ஆகியோர் முன்னிலையில் திமுகவில் இணைந்தனர்.

இந்நிகழ்ச்சியில் புதுச்சத்திரம் ஊராட்சி ஒன்றிய குழு தலைவர் சாந்தி வெங்கடாஜலம், துணைத் தலைவர் ராம்குமார், மாவட்ட விவசாய அணி தலைவர் மனோகரன், மருத்துவர் அணி துணை அமைப்பாளர் சிவகுமார், முன்னாள் ஊராட்சி மன்ற தலைவர் சுரேஷ்குமார், மாவட்ட பிரதிநிதி வேலுச்சாமி மற்றும் கழக நிர்வாகிகள் உள்ளிட்ட பலர் கலந்து கொண்டனர். புதிதாக திமுகவில் இணைதந்தவர்களுக்கு அடையாள அட்டை மற்றும் கட்சி துண்டு அணிவிக்கப்பட்டது , பிறகு அனைவரும் மாவட்ட செயலாளருடன் குழு புகைப்படம் எடுத்துக் கொண்டனர்.