நாமக்கல்: பணி நிறைவு பெற்ற ஆசிரியர்களுக்கு பாராட்டு விழா!

நாமக்கல் மாவட்டத்தில் உள்ள உயர்நிலை மேல்நிலைப் பள்ளியில் பணியாற்றி 2023-24 கல்வியாண்டில் ஓய்வு பெறும் பட்டதாரி ஆசிரியர்களுக்கு பணி நிறைவு பாராட்டு விழா தமிழ்நாடு பட்டதாரி ஆசிரியர் கழகத்தின் (TNGTA) சார்பாக நடைபெற்றது. பணி நிறைவு பாராட்டு விழாவில் இந்த கல்வியாண்டில் ஓய்வு பெறும் ஆசிரியர்கள் ஆசிரியைகள் மற்றும் ஆசிரிய பெருமக்கள் அனைவரும் கலந்துகொண்டனர்.

பணி நிறைவு பாராட்டு விழாவில் மாநிலப் பொருளாளர் செ.மலர்க்கண்ணன், மாநில மகளிர் அணி செயலாளர் சு.சுபத்ரா, மாவட்டத் தலைவர் சீ.லோகநாதன், மாவட்டச் செயலாளர் கு.செந்தில்செல்வன்,மாவட்டப் பொருளாளர் பு.கண்ணன்,மாவட்ட அமைப்பு செயலாளர் செ.இராஜு,மற்றும் மாவட்ட, வட்ட பொறுப்பாளர்கள் பணி நிறைவு பெற்ற ஆசிரியர் பெருமக்களுக்கு வாழ்த்துக்களை தெரிவித்தனர்.தமிழ்நாடு பட்டதாரி ஆசிரியர் கழக மேனாள் மாநிலத் தலைவர் பெ.இளங்கோவன் சிறப்பு அழைப்பாளராக கலந்து கொண்டு பணி நிறைவு பெற்ற ஆசிரிய பெருமக்களுக்கு நினைவு பரிசை வழங்கினார்.

மேலும் 2023-24 கல்வியாண்டில் ஓய்வு பெறும் தமிழ்நாடு பட்டதாரி ஆசிரியர் கழக நாமக்கல் மாவட்ட தலைவர் சீ.லோகநாதனுக்கு பணி நிறைவு விழாவில் பாராட்டுக்கள் தெரிவிக்கப்பட்டு நினைவு பரிசு வழங்கப்பட்டது.இறுதியில் மாவட்ட துணைத் தலைவர் இரா.சேகர் நன்றி தெரிவித்தார்‌.