நாமக்கல் பாஜக வேட்பாளர் வாக்குப்பதிவு

நாமக்கல் மாவட்டம் ராசிபுரம் அண்ணா சாலை அரசு மேல்நிலைப் பள்ளி வாக்குச் சாவடியில், பாஜக., மாநில துணைத்தலைவரும், நாமக்கல் மக்களவை தொகுதி பாஜக வேட்பாளருமான டாக்டர் கே.பி. ராமலிங்கம் தனது குடும்பத்துடன் வருகை தந்து வாக்களித்தார். பின்னர் செய்தியாளர்களுக்கு அவர் பேட்டி அளித்தார். அப்போது, 1980 ஆம் ஆண்டு சட்டப்பேரவை தேர்தலில் புரட்சித்தலைவர் எம்ஜிஆர்ருடைய வேட்பாளராக ராசிபுரம் சட்டமன்ற தொகுதியில் போட்டியிட்டபோது எத்தகைய எழுச்சியை மக்கள் மத்தியில் கண்டேனோ அதே எழுச்சியை காண்கிறேன். தமிழ்நாட்டைப் பொறுத்தவரை மக்களின் தலைவன் என்றார் அது மோடி தான் என்ற நிலை இன்றைக்கு இந்த நாடாளுமன்ற தேர்தலில் வந்திருக்கிறது.

மோடிக்கான வாக்குகளால் வல்லமையான பாரத்தை உருவாக்குவதற்கு நாட்டு மக்கள் தயாராகி விட்டனர் . வலுமையான பாரதம், எதிர்காலத்தில் உலக நாடுகளுக்கு வழிகாட்டக்கூடிய பாரத தேசத்தை உருவாக்கக்கூடிய வரை தமிழ் சமுதாயம் தேர்வு செய்துவிட்டதாக காண்கிறேன்.