பரமத்தியில் வாக்கு செலுத்திய நாமக்கல் தொகுதி அ.தி.மு.க வேட்பாளர்

நாடாளுமன்ற தேர்தல் இன்று காலை 7- மணி‌ முதல் தொடங்கி நடைபெற்று வருகிறது. நாமக்கல் நாடாளுமன்ற தொகுதி அ.தி.மு.க வேட்பாளர் ராஹா சு. தமிழ்மணி இன்று காலை 7-மணி அளவில் நாமக்கல் மாவட்டம், பரமத்திவேலூர் தாலுகா, பரமத்தியில் உள்ள அரசு ஆண்கள் மேல்நிலைப்பள்ளியில் உள்ள வாக்கு சாவடிக்கு வந்தார்.

பின்னர் அங்கு வரிசையில் நின்று வாக்கினை செலுத்தி தனது ஜனநாயக கடமையாற்றினார். அதனை தொடர்ந்து செய்தியாளர்களுக்கு அளித்த பேட்டியில் கூறியதாவது:- தமிழகம் முழுவதும் தற்போது அ.தி.மு.க அலை வீசுகிறது.மக்களிடம்‌ ஒர் எழுச்சி தெரிகிறது. நாமக்கல் தொகுதியில் நான் காலை 7 மணிக்கு வாக்குகள் சேகரிக்க சென்று விடுவேன். இரவு 10 மணி வரை வாக்குகள் சேகரித்த சென்ற இடங்களில் எல்லாம் பொதுமக்கள் குறிப்பாக பெண்கள் வரவேற்று எங்கள் வாக்குகள் இரட்டை இலைக்கு என்று உற்சாகமாக தெரிவித்தனர்.

சுமார் 2 லட்சம் வாக்குகள் வித்தியாசத்தில் நான் வெற்றி பெறுவேன் என கூறினார்.பேட்டியின் போது பரமத்தி வேலூர் தொகுதி சட்டமன்ற உறுப்பினர் சேகர் உடன் இருந்தார்.