நாமக்கல் மாவட்ட இளைஞருக்கு தூய தமிழ்ப் பற்றாளர் விருது

தமிழ்நாடு அரசின் தமிழ் வளர்ச்சித் துறையின் செந்தமிழ்ச் சொற்பிறப்பியல் அகரமுதலி திட்ட இயக்ககத்தின் சார்பாக ”நடைமுறை வாழ்க்கையில் பிறமொழிக் கலப்பின்றி தூய தமிழில் பேசுவோர்க்கு தூயதமிழ்ப் பற்றாளர் விருது” வழங்கி சிறப்பிக்கப்பட்டு வருகிறது. அவ்வகையில் நாமக்கல் மாவட்டம் ரெட்டிப்பட்டியைச் சேர்ந்த இளம் எழுத்தாளர் இர. கண்ணன் என்பவருக்கு 2022 - ஆம் ஆண்டிற்கான தூயதமிழ்ப் பற்றாளர் விருது வழங்கப்பட்டது.

இவ்விருது நிகழ்வானது சென்னை கலைவாணர் அரங்கில் நவம்பர் 8 - ஆம் நாளன்று ”அகராதியியல் நாள்” விழாவில் மாண்புமிகு தமிழ் வளர்ச்சி மற்றும் செய்தித்துறை அமைச்சர் மு.பெ.சாமிநாதன் வழங்கி கெளரவித்தார். தூய தமிழ்ப் பற்றாளர் விருது பெற்ற கண்ணன் நாமக்கல் மாவட்ட ஆட்சித்தலைவர் மருத்துவர் உமாவிடம் வாழ்த்துப் பெற்றார்.