குமாரபாளையத்தில் நாமக்கல் கவிஞர் பிறந்தநாள் கொண்டாட்டம்

குமாரபாளையம் வேமன்காட்டு வலசு அரசு உயர்நிலைப் பள்ளியில் நாமக்கல் கவிஞர் ராமலிங்கம் பிறந்த நாள் விழா விடியல் ஆரம்பம் சார்பில் அதன் அமைப்பாளர் பிரகாஷ் தலைமையில் கொண்டாடப்பட்டது. ராமலிங்கனாரின் திருவுருவப்படத்திற்கு மலர்மாலைகள் அணிவித்து மரியாதை செலுத்தப்பட்டது. மாணவ, மாணவியர்களுக்கு பேச்சு, கட்டுரை, வினாடிவினா போட்டிகள் நடத்தப்பட்டு, வெற்றி பெற்றவர்களுக்கு வாசிக்கும் பழக்கத்தை ஊக்குவிக்கும் வகையில் புத்தகங்கள் பரிசாக வழங்கப்பட்டன. இந்நிகழ்வில் பொறுப்பு தலைமையாசிரியர் மாதேசு, ஆசிரியர்கள் குமார், முத்து, நிர்வாகிகள் அருள், தங்கராஜ், அம்சா, ஜெகதீஸ்வரன், உள்பட பலர் பங்கேற்றனர்.