நாமக்கல் வடக்கு மாவட்ட கழகம் டிடிவி தினகரன் பிறந்தநாள் கொண்டாட்டம்

அம்மா மக்கள் முன்னேற்றக் கழகத்தின் பொதுச் செயலாளர் டிடிவி. தினகரன், அவர்களின் பிறந்தநாளை கழக நிர்வாகிகள் தொண்டர்கள் அனைத்து பகுதிகளிலும் கொண்டாடி வருகின்றனர். அதன்படி நாமக்கல் வடக்கு மாவட்ட கழகத்தின் சார்பில் வடக்கு மாவட்ட கழக செயலாளர் ஏ.பி.பழனிவேல் அவர்கள் தலைமையில் ராசிபுரம், நாமகிரிப்பேட்டை, ஆயில்ப்பட்டி, மங்களபுரம், சேந்தமங்கலம், வெண்ணந்தூர், அலவாய்ப்பட்டி, பிள்ளாநல்லூர் உள்ளிட்ட வடக்கு மாவட்டம் பகுதியில் பல்வேறு இடங்களில் கழக கொடிகள் ஏற்றியும் பொது மக்களுக்கு இனிப்புகள் வழங்கி பட்டாசுகள் வெடித்தும், பல்வேறு ஆலயங்களில் டிடிவி. தினகரன், அவர்கள் பெயரில் சிறப்பு பூஜைகள், அபிஷேகங்கள் செய்து கழக நிர்வாகிகள் சிறப்பாக கொண்டாடினர். முன்னதாக சேந்தமங்கலம் பெருமாள் கோவில், அலவாய்ப்பட்டி வள்ளலார் திருச்சபை , பிள்ளாநல்லூர் ஸ்ரீ ஸ்ரீ ஓங்காளியம்மன் கோவில் மற்றும் ராசிபுரம் ஸ்ரீ முனியப்பன் சுவாமி கோவிலில் சிறப்பு பூஜைகள் செய்து டிடிவி தினகரன் பெயருக்கு அர்ச்சனை ஆராதனைகள் செய்து வழிபட்டனர். தொடர்ந்து 500க்கும் மேற்பட்டோருக்கு அன்னதானம் வழங்கி சிறப்பித்தனர்.

இந்த நிகழ்வில் வடக்கு மாவட்ட கழக செயலாளர் ஏ.பி.பழனிவேல், மாவட்ட கழக அவைத் தலைவர் எஸ். பன்னீர்செல்வம், இணை செயலாளர் பத்மாவதி,மாவட்ட கழக துணை செயலாளர்கள் கா.முருகன், அம்பிகா, மாவட்டக் கழக பொருளாளர் வழக்கறிஞர் பி. அன்புச் செழியன், ராசிபுரம் நகர கழக செயலாளர் எஸ்.வேலுசாமி, பொதுக்குழு உறுப்பினர் உதயகுமார், ஊராட்சி செயலாளர்கள், கிளை செயலாளர்கள், வார்டு கழக நிர்வாகிகள், தொண்டர்கள், பொதுமக்கள் என ஏராளமானோர் கலந்து கொண்டனர்.